Кыргызстанда бир жума ичинде 518 мас айдоочу кармалды. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалым болгондой, 17-23-февраль күндөрү өлкөдө 24 миң 804 жол эреже бузуу аныкталып, 3 миң 322 унаа айып короого коюлган.

Бир жумада аныкталган жол эреже бузуулар:

• Тийиштүү документтери жок унаа башкаруу – 844;
• Мас айдоочулар – 518;
• Унаанын айнектерин мыйзамсыз караңгылатуу – 119;
• Жөө жүргүнчүлөр катышкан жол эреже бузуулар – 233;
• Транспорт каражаттарынын эксплуатациялоо эрежелерин бузуу – 4 миң 84;
• Авто ээнбаштык – 12;
• Ылдамдыкты ашырып айдоо – 4 миң 200;
• Жалган мамлекеттик номер менен унаа башкаруу – 8;
• Башка жол эрежелерин бузуу фактылары – 14 миң 786;

ЖКККББ айдоочуларды жол эрежелерин так сактоого чакырат.