Кыргызстанда биринчи жолу эки күндүк ымыркайга стент салуу боюнча операция жасалды. Бул тууралуу Саламаттыкты сактоо министрлигинен билдиришти.

Маалыматка караганда, операция Ош шаарындагы  кыргыз-орус клиникасынын базасында жүргүзүлдү.

“Ымыркайдын өмүрүн сактап калуу үчүн Бишкектен өлкөнүн башкы кардиохирургиялык борборунан кардиохирургдар, перфузиологдор, анестезиологдор, эндоваскулярдык хирургдар бригадасы келишти”, – деп айтылат маалыматта.

Мындай операциялар башка өлкөлөрдө кеңири жасалып келет. Ал эми кыргызстанда жаңы төрөлгөн ымыркайга биринчи жолу жасалды.

Учурда баланын абалы туруктуу деп бааланууда.

Биздин Телеграм каналга катталыңыз