Президенттин жарлыгына ылайык, чет өлкөлүк мамлекеттик каттоо белгилери бар транспорт каражаттарын мыйзамдаштыруу мөөнөтү 1-сентябрга чейин узартылды, – деп билдирет ИИМдин Жол кыймылынын коопсуздугун камсыздоо башкы башкармалыгы (ЖКККББ).

Айып аянтчаларында турган унаалардын ээлери өз унааларын алып чыгып, мыйзамдаштыруу процедурасынан өтүү үчүн ЖКККББнын аймактык бөлүмдөрүнө кайрыла алышат. Бирок, бул үчүн бардык айып пулдарды жана милдеттүү төлөмдөрдү толугу менен төлөө зарыл.

Айып аянтчаларында турган транспорт каражаттары үчүн сактоонун жеңилдетилген тарифи — суткасына 50 сом деп белгиленди. Ошондой эле сактоо үчүн чегерилген жалпы суммадан 50 пайыздык арзандатуу берилет.

Мекеме жарандарды автоунааларды мыйзамдаштырууну кечиктирбөөгө жана берилген мүмкүнчүлүктөн 1-сентябрга чейин пайдаланып калууга чакырат.