Кыргыз Республикасынын Мамлекеттик салык кызматынын кызматкерлери рейддик иш-чаралардын жүрүшүндө өлкөгө косметикалык каражаттардын жана эл керектөөчү товарлардын ири партиясын мыйзамсыз алып кирүү аракетин токтотушту.

Жүк ташуучу унааны текшерүү учурунда тийиштүү коштомо документтери жок алынып келе жаткан косметика жана ар кандай эл керектөөчү товарлар табылган. Алдын ала маалыматтар боюнча, эсепке алынбаган товардын жалпы баасы 2,2 млн сомдон ашат.

Учурда мамлекеттик бюджеттин кирешесине тийиштүү салык төлөмдөрүн өндүрүү боюнча иш-чаралар жүргүзүлүүдө.