Кыргызстанда 29-июлдан тарта абанын температурасы төмөндөй турганын Кыргызгидромет билдирди.

Маалыматка ылайык, 29-июлда Чүй облусунун айрым райондорунда, Жалал-Абад, Ош, Баткен облустарында, Ысык-Көл облусунун көпчүлүк аймактарында жаан жаашы күтүлөт.

30-31-июлда абанын температурасы 5 градуска төмөндөп, өлкө боюнча жамгыр жаашы күтүлөт.

Түштүк аймактарда абанын температурасы күндүз +35, түнкүсүн +25, 31-июлда күндүз +33, түнкүсүн +22 градуска чейин жетет.

Ысык-Көл, Нарын облустарында күндүз +26, түнкүсүн +14.

Талас облусунда абанын температурасы +29, Чүй облусунда +31 градуска чейин жылыйт.

Бишкек шаарында 30-июлда күндүз +33, түнкүсүн +21 градус жылуу болушу күтүлөт. 31-июлда күндүз +31, түнкүсүн +20.