Кыргызстанда кичи тик учактар кураштырыла баштады. Бул тууралуу президенттин администрациясынын маалымат кызматынын башчысы Дайырбек Орунбеков билдирди.

Эки кишиге ылайыкташтырылган кичи тик учактарга керектүү тетиктер Польшадан алып келинип, Кыргызстанда кураштырылууда. Ал 70 литр май менен 600 чакырымга чейин уча алат. Аларды “Шумкар” компаниясы чыгарууда. Баасы 60 миң доллардан башталат.

Бул кичи тик учактар Ысык-Көлдө өтүп жаткан Кыргызстан – Россия экономикалык форумунда көргөзмөгө коюлган.