Кыргызстанда көмүр кендерин казып алууга 261 лицензия берилген. Бул тууралуу энергетика министри Таалайбек Ибраев бүгүн, 6-июнда Жогорку Кеңештин Отун-энергетикалык комплекс, жер казынасын пайдалануу жана өнөр жай саясаты боюнча комитетинин жыйынында билдирди.

Анын айтымында, көмүр кендерин геологиялык издөөгө, геологиялык чалгындоого жана казып алууга жалпысынан 411 лицензия берилген, анын ичинде геологиялык издөөгө 5 лицензия, геологиялык чалгындоого 145 лицензия, казып алууга 261 лицензия.

“Көмүр казып алууга берилген 261 лицензиянын ичинен 142 лицензия алган ишканалар жумуштарды долбоорлоо алкагында болсо, калган 119 лиценция алган ишканалар тарабынан 2022-жылда 3 миллион 644 миң 997 тонна көмүр казып алышкан”, – деди Таалайбек Ибраев.

Биздин Телеграм каналга катталыңыз