Кыргызстандын кесиптик бирликтер федерациясы Билим берүү жана илим кызматкерлеринин кесиптик бирлиги менен биргеликте «Кызыл гвоздика» ден соолукту чыңдоо борборунун жаңы корпусун ачты, деп билдирет КБФнын (ФПКР) басма сөз кызматы.

Заманбап ден соолукту чыңдоо корпусу акыркы 30 жыл ичинде биринчи жолу толугу менен мүчөлүк төгүмдөрдөн түзүлгөн кесиптик бирликтердин өздүк каражаттарынын эсебинен курулганы белгиленет.

Жаңы объект билим берүү тутумунун кызматкерлери жана алардын үй-бүлө мүчөлөрүнүн эс алуусу, ден соолугун чыңдоо жана калыбына келтирүү үчүн багытталган.

Кесиптик бирликтер федерациясы корпустун курулушу жашоо сапатын жогорулатууга, ден соолукту чыңдоого жана эс алуунун заманбап инфраструктурасын өнүктүрүүгө багытталган социалдык долбоорлорду ишке ашыруу үчүн кесиптик бирлик каражаттарын пайдалануунун үлгүсү болуп калганын баса белгилешти.

КБФнын маалыматы боюнча, жаңы корпустун ачылышы Кыргызстандын кесиптик бирликтеринин социалдык инфраструктурасын өнүктүрүүнүн этаптарынын бири болуп калат.