Кыргызстанда окуучулардын мектеп формасына өзгөрүү киргизилбейт. Бул тууралуу Агартуу министри Догдургүл Кендирбаева билдирди.

Министрдин айтымында, мыйзам боюнча Кыргызстан светтик мамлекет болуп саналат жана Министрлер кабинети бекиткен тартип толугу менен сакталууга тийиш.

«Кыздар ак кофта, кара юбка, балдар ак көйнөк, кара шым кийгени жетиштүү. Балдар бирдей форма кийиши керек. Учурда ата-энелер менен түшүндүрүү иштери жүргүзүлүп жатат», — деди Кендирбаева.

Ошентип, жаңы окуу жылында мектеп формасына эч кандай өзгөртүүлөр киргизилбейт.