Кесиптердин классификаторуна дагы 385 түрү кошулат. Бул тууралуу Эмгек, социалдык камсыздоо жана миграция министринин биринчи орун басары Нурдөөлөт Базарбаев “Компетенцияларды сертификациялоо жана валидациялоо: эмгек рыногунун мейкиндиктери” форумунда билдирди.

Мекеменин маалыматында, реестрде учурда 3 миң кесип бар.

Классификатор – өлкөдөгү бардык адистиктер жана кесиптер жөнүндө структураланган маалыматтык база. Эмгек шарттарын, кызматкерлердин квалификациясын, алардын маянасы, жумуш процессинин жана башка компоненттерин камтыйт.

Форумга мамлекеттик органдардын, соода-өнөр жай палатасынын, көндүмдөрдү өнүктүрүү фондунун, окуу жайлардын, жумуш берүүчүлөрдүн тармактык ассоциацияларынын жетекчилери жана кызматкерлери чогулду.

Биздин Телеграм каналга катталыңыз