Кыргызстанда ачылган төрт шайлоо тилкесинде жергиликтүү убакыт боюнча саат 15:00гө карата Россия Федерациясынын 2153 жараны добуш берdi. Бул тууралуу РФтин республикадагы элчилигинен билдиришти. Борбор калаадагы тилкеде Россиянын Кыргызстандагы атайын жана ыйгарым укуктуу элчиси Сергей Вакунов да өз добушун берди.

Салттуу түрдө тилкеге келип добуш берүүдөн тышкары, шайлоочулар аралыктан электрондук добуш берүү (ДЭГ) системасын да жигердүү колдонушууда. Бишкектеги шайлоо жараянынын жүрүшүн КМШнын Парламенттер аралык ассамблеясынын, РФтин Коомдук палатасынын жана Бишкек аймактык шайлоо комиссиясынын аккредиттелген байкоочулары көзөмөлдөп жатышат.

Посмотреть эту публикацию в Instagram

Публикация от Reporter.kg (@reporter_kg)

Республиканын аймагындагы бардык шайлоо тилкелери саат 08:00дө штаттык режимде, белгиленген регламентти бузбастан ишин баштаган. Элчи Сергей Вакунов добуш берүү жайларында коомдук тартипти жана коопсуздукту кесипкөйлүк менен камсыздап жаткан Кыргыз Республикасынын Ички иштер министрлигинин кызматкерлерине өзгөчө ыраазычылык билдирди.