Кыргызстанда шайлоочулардын саны 4 млн 135 миң 39га жетти. Бул тууралуу Борбордук шайлоо комиссиясынан билдиришти.

Шайлоочулардын 51,62%ын (2 млн 134 миң 511) аялдар жана 48,38%ын (2 млн 528) эркектер түзөт.

БШК 17-ноябрда жергиликтүү кеңештерге шайлоо өтө тургандыгын эскертип, жарандарды өздөрүн шайлоочулардын тизмесинде бар экенин текшерип алууга чакырат. Тизмени 1255 же 119 номерине телефон чалып же tizme.gov.kg сайтынан текшерүүгө болот. Ошондой эле 14-ноябрга чейин өлкөдөгү бардык добушканаларга шайлоочулардын тизмелери илинет.

2023-жылдын 30-майына карата Кыргызстанда 3 млн 927 миң 752 шайлоочу бар болгон.