Ушул жылдын 1-августуна карата республика боюнча жалпы 1100 чакырым унаа жолуна асфальт төшөө иштери аяктады. Бул тууралуу Транспорт жана коммуникациялар министрлиги билдирди.

Мекеменин маалыматында, бул көрсөткүч 2025-жылдын ушул мезгилине (455 км) салыштырмалуу 645 чакырымга көп.

Учурда республикалык маанидеги автожолдордо жана ички жол тармактарында курулуш, реконструкциялоо жана капиталдык оңдоо иштери бекитилген графикке ылайык улантылууда. Жолдордун курулушу министрликтин көзөмөлүндө экени айтылды.