.svg){kind=logo}
Экономика министрлиги алкоголдук ичимдиктерге акцизди жогорулатуу долбоорун кайтарып алдыЕАЭБ Пакистан менен эркин соода жөнүндө макулдашуу түзүүнү карап жатат«Көчөдө жашап, идиш жуучумун, эми өз үйүм болот» — Игорь БеляевКыргызстан менен Франция кардиология жана онкология жаатында кызматташатКыргызстандын мамлекеттик карызы 10,4 млрд долларга жетти«United Dance Weekend»: Бишкекте эл аралык бий фестивалы өтөт
Кыргызстандык балбан Билол Шарип уулу жаштар арасындагы дүйнө чемпионатында коло медаль тагынды
28.10.2025 | 11:05
Кыргызстандык балбан Билол Шарип уулу Сербиянын Нови-Сад шаарында өткөн жаштар арасындагы эркин күрөш боюнча дүйнө чемпионатында коло медаль тагынды.
Дене тарбия жана спорт агенттиги кабарлагандай, ал 65 килограммга чейинки салмак категориясында күч сынашып, АКШ, Грузия жана Казакстан балбандарын утуп, жарым финалга чейин жеткен.
Финалга чыгуу үчүн таймашта өзбекстандык балбанга утулуп калганына карабастан, 3-орун үчүн күрөштө Азербайжандын өкүлүн 1 мүнөт 57 секунддун ичинде 10:0 эсебинде утуп, коло байге ээледи.
Бул мелдеште кыргыз балбандары жалпы төрт медаль утушту:
- Нурзат Нуртаева — кыз-келиндер күрөшүндө (72 кг) алтын,
- Өмүрбек Асан уулу — эркин күрөштө (61 кг) күмүш,
- Гүлнур Таштанбекова — кыз-келиндер күрөшүндө (68 кг) коло,
- Билол Шарип уулу — эркин күрөштө (65 кг) коло.
