Кыргызстандык балбандар күрөш боюнча дүйнө чемпионатына катышат. Дене тарбия жана спорт департаментинин маалыматы боюнча, бул мелдешке өлкө атынан 16 спортчу барат.
Эркин, кыз-келиндер жана грек-рим күрөшү боюнча дүйнө биринчилиги 16-24-сентябрь күндөрү Сербиянын Белград шаарында өтөт. Аталган мелдеште 2024-жылы Парижде боло турган Олимпиада оюндарына жолдомолор ойнотулат. Дүйнө биринчилигинде 1-5-орун алган спортчулар жолдомо ала алышат.
Эркин күрөш боюнча курама команда:
- 57 кг Алмаз Сманбеков;
- 65 кг Икромжон Хажимурадов;
- 70 кг Эрназар Акматалиев;
- 74 Арсалан Будажапов;
- 86 кг Нарбек Изабеков;
- 97 кг Каныбек Абдулхаиров.
Кыз-келиндер күрөшү боюнча курама команда:
- 59 кг Калмира Билимбек кызы;
- 62 кг Айсулуу Тыныбекова;
- 68 кг Мээрим Жуманазарова;
- 76 кг Айпери Медет кызы;
- 72 кг Нурзат Нуртаева.
Грек-рим күрөшү боюнча курама команда:
- 60 кг Жоламан Шаршенбеков;
- 67 кг Амантур Исмаилов;
- 77 кг Акжол Махмудов;
- 87 кг Азат Салидинов;
- 97 кг Бексултан Махмудов.
Биздин Телеграм каналга катталыңыз
