Кыргызстандын бокс боюнча улуттук курама командасынын мүчөлөрү Азербайжандын Баку шаарында өткөн “Улуу жибек жолу” эл аралык мелдешинде 2 коло медалга ээ болду. Бул тууралуу Спорт жана дене тарбия агенттиги билдирди.

Мелдеш 11-15-апрель күндөрү өтүп, 9 мамлекеттен келген 175 мушкер катышкан. Кыргызстандын атынан барышкан Сагын Сатыбалды уулу (80 кг чейинки салмакта) жана Мырзакир Кошалиев (+92 кг чейинки салмакта) коло медаль утушкан.

Улутук курам машыктыруучу Темирлан Осмоновдун жетекчилиги алдында мелдешке катышты.