Бүгүн мамлекеттик ипотекалык программанын алкагында Бишкектеги “Мурас” турак жай комплексинде дагы 476 батир кезекте турган жарандарга берилди.

Президенттин администрациясынын маалыматына ылайык, иш-чарага Садыр Жапаров катышты.

Президент азыркы тапта республика боюнча 60 миңден ашуун батирдин курулушу жүрүп жатканын айткан.

Батир алгандардын арасында мигранттар, мамлекеттик кызматкерлер, мугалим-дарыгерлер, 50%ын төлөгөн ишкерлер дагы бар.

“Мурас” турак жай комплекси Бишкек шаарынын К.Маликов көчөсү, 91 дарегинде жайгашкан. Бүгүнкү тапшырылган үйдө бир бөлмөлүү- 204, эки бөлмөлүү-102, үч бөлмөлүү-170 батир жайгашкан.