Кыргызстандын футбол клубдарынын өкүлдөрү жана Кыргыз футбол биримдигинин делегациясы россиялык «Краснодар» футбол клубунун ишмердүүлүгү менен таанышышты. Бул тууралуу Кыргыз футбол биримдиги билдирди.

Иш сапар алкагында делегация «Краснодар» – «Сочи» оюнун көрүп, “Краснодар” академиясынын инфраструктурасы жана инновациялык технологиялары менен таанышкан. Ошондой эле клубдун машыктыруучулук жана административдик курамы менен жумушчу жолугушуулар өткөрүлгөн.

Мындан тышкары, тараптар кыргызстандык машыктыруучулар жана футболчулар үчүн Орусияда стажировкаларды өткөрүү, ошондой эле биргелешкен билим берүү долбоорлорун түзүү мүмкүнчүлүктөрүн талкуулашкан.