Кыргызстандык футболчу Азамат Байматов Индонезияда өткөн чемпионатта гол киргизип, жеңишти алып келди. Бул туурасында жергиликтүү басылмалар жазып чыгышты.

Маалыматка караганда, 25-октябрь күнү футбол командалар ортосунда 9-турдук оюн болуп, анда «Барито Путр» менен «Персипур Джаяпур» командалары кез келишип, оюн бүтөөрүнө 3 мүнөт калганда кыргыз футболчусу Азамат Байматов 1 гол киргизүү менен өз командасы «Барито Путрга» жеңиш алып келген. Жалпы жыйынтык менен 1:0 болду.

Азамат Байматов 2018-жылдан бери Индонезиянын футбол командасында ойноп жүрөт.