16-майдан тарта Кыргызстандын жарандарына Орусиянын аймагына киришине коюлган чектөөлөр алынат. Бул туурасында Министрлер кабинетинен билдирди.

Маалыматка караганда, кыргыз жарандарынын Орусияга кирүүгө, ошондой эле орус жарандарынын Кыргызстанга кирүүсүнө коюлган чектөөлөр алынып салынды.

Тиешелүү чечимди эпидемиологиялык абалдын турукташуусун эске алуу менен Орусиянын Өкмөтү кабыл алды.

Белгилей кетсек, бул маселе 2022-жылдын 14-апрелинде Москва шаарында өткөн Соода-экономикалык, илимий-техникалык жана гуманитардык кызматташуу боюнча кыргыз-орус өкмөттөр аралык комиссиясынын 23-отурумунда талкууланган.