Үстүбүздөгү жылдын июль айынын аягына карата Кыргызстандын эл аралык резервдери 6 млрд 617,5 млнду түздү. Бул тууралуу Улуттук банктын сайтында кабарланды.

Андагы маалыматтар боюнча, июль айында резервдердин ликвиддүү бөлүгү 6 миллиард 545,14 миллион долларга жетти. Бул көрсөткүч июнь айына карата 109,19 миллион долларга көп.

Жылдын башынан бери резервдердин өсүшү байкалып, алар 1 миллиард 529,42 миллион долларга көбөйгөн.

Бул активдер Улуттук банктын өзүндө, ошондой эле башка суверендүү фонддордо же Эл аралык валюта фондунун резервдик фондунда сакталат.