Кыргызстандыктар өспүрүмдөр арасында хоккей боюнча Азия кубогунда — IIHF U-18 Asia Cup турниринде экинчи орунду ээлешти. Финалда команда Өзбекстандын курамасына 2:3 эсебинде жеңилип калды.

Турнирге алты курама команда: Кыргызстан, Өзбекстан, Монголия, Индия, Индонезия жана Макао катышты. Мелдештер Бишкекте өттү.

«Жыйынтык республикада аймактын күчтүү командалары менен тең тайлаша атаандашууга жөндөмдүү таланттуу жаштар өсүп келе жатканын тастыктайт», — деп белгиледи Кыргызстандын Хоккей федерациясы, турнирдин бүткүл жумалыгы бою колдоо көрсөткөн күйөрмандарга ыраазычылык билдирип.