Бишкек шаарынын мэриясы Улуу Ата Мекендик согуштагы Жеңиштин 81 жылдыгына арналган майрамдык жана эскерүү иш-чараларынын программасын жарыялады.

• 6-майда саат 10:30да Ч. Түлөбердиев атындагы паркта «Эскерүү оту» эл аралык акциясы өтөт. Ушул эле күнү саат 11:00дө К. Молдобасанов атындагы Кыргыз улуттук консерваториясында «Кызыл чеге гүл — муундардын эсинде» сынак-фестивалынын гала-концерти болот.
• 7-майда саат 10:00дө Юбилейная көчөсү, 17 дарегиндеги «1941–1945» жана «Түбөлүк эскерүү» эстеликтерине гүл коюу аземи өтөт. Ушул эле маалда Төмөнкү Ала-Арчадагы монументтин жанында митинг-реквием болот.
• 8-майда саат 10:00дө Д. Асанов атындагы аскер лицейинде митинг-реквием өткөрүлөт. Саат 11:00дө Жаш Гвардия бульвары, 88 дарегиндеги «1941–1945» эстелигинин жанында гүл коюу жана куттуктоо аземи болот.
• Башкы иш-чара 9-майда саат 09:30да Жеңиш аянтында өтөт. Саат 11:00дө Ч. Түлөбердиев атындагы паркта жоокер боткосун таратуу уюштурулат.
• 10-майда саат 14:00дө шаардык «Диалог» маданият үйүндө «Биз эстейбиз» аталышындагы майрамдык кече өтөт.