Кытай — Кыргызстан — Өзбекстан темир жолунун курулушу быйыл октябрь айында башталып, ал 6 жылда бүтөт. Бул тууралуу бүгүн Жогорку Кеңештин жыйынында айтылды.

Маалыматка караганда, жол Кыргызстандын аймагынан туннель жана көпүрөлөр аркылуу өтөт.

Транспорт министринин орун басары Ырысбек Барпиевдин маалыматында, Макмалда чон станция куруу пландалууда.

Парламент мыйзам долбоорун үч окууда тең жактырды.

Кытай — Кыргызстан — Өзбекстан темир жолунун 311 чакырымы Кыргызстан аркылуу өтөт. Анын 95 пайызы жайыттардан өтүп, менчик жер тилкелерине жана үйлөргө тийбейт. Анын курулушу 4,7 миллиард доллар болот. Долбоордун 52 пайызын Кытай каржылайт,  Кыргызстан менен Өзбекстан 24,5 пайыздан акча бөлүшөт.