Министрлер Кабинетинин төрагасынын орун басары Бакыт Төрөбаев «Кытай—Кыргызстан—Өзбекстан» эл аралык темир жолун куруу долбоорун ишке ашыруу боюнча жыйын өткөрдү. Бул тууралуу минКабдын басма сөз кызматы маалымдады.

Маалыматка ылайык, убактылуу электр чубалгыларын тартуу жана кирүүчү жолдорду куруу иштери аяктап калды. Азыркы учурда өндүрүштүк объектилерди куруу жана курулуш базасын даярдоо жүрүүдө.

Жыйында коммуналдык инженердик маселелерге — электр, газ жана суу түтүктөрү, телефон кабелдери боюнча өзгөчө көңүл бурулду. Ошондой эле жер маселелери жана тиешелүү органдардын милдеттери талкууланды.

Бакыт Төрөбаев бардык иштерди тездетүүнү тапшырды. Атап айтканда:

• инженердик коммуникацияларды өткөрүп берүү;
• курулуш тилкелерин тазалоо;
• зарыл болгон жер участокторун берүү иштерин аягына чыгаруу.