Баткендин Кызыл-Кыя шаарында Молдо Кулмат атындагы сейил бакта 70 сотых жер мыйзамсыз ээлеп алынган. Бул тууралуу Айыл чарба министрлигинен билдиришти.

Маалым болгондой, аталган жерди 24 киши мыйзамсыз ээлеп алып, бир нече ирет эскертүү берилгенине карабай, талаптарды аткарбай келген. Жыйынтыгында мыйзамсыз ээлеп алынган жерлерге тургузулган курулуштар буздурулган.

Ошондой эле сейил бакка көзөмөл жүргүзбөгөндүгү үчүн Укук бузуулар кодексинин 434-беренесинин негизинде шаардык мэрияга жана анын муниципалдык менчик департаментине жалпы 26 миң сом айып салынган.