Бишкек шаары менен Түндүк айланма жолун бириктирген Лебединовка-ГЭС 5 унаа жолунда асфальт төшөө иштери башталды. Бул тууралуу Транспорт министрлиги билдирди.

Маалыматка ылайык, муну менен катар суу өткөрүүчү түтүктөрдү орнотуу, кеңейтүү жана негизги жолго катарлаш болгон Биримдик-Кут конушуна кирүүчү кошумча эки тилкенин негизин даярдоо жумуштары жүрүүдө.

Белгилей кетсек, Лебединовка-ГЭС 5 унаа жолунун жалпы узундугу 5,1 чакырымды түзөт. Жол 4 тилкелүү болуп кеңейет. Ошондой эле долбоордо тротуар куруу, жарыктандыруу жана учурдагы чоң көпүрөнү кеңейтүү менен жөө жүргүнчүлөр үчүн көпүрө куруу каралган.