«Манас» эл аралык аэропортунда мечит куруу пландалууда. Имараттын аянты 1 500 чарчы метрди түзүп, 2 000ден ашык адамды батырат. Бул тууралуу долбоор жарыяланган видеокайрылууда айтылат.

Мечит жарандардын ыктыярдуу кайрымдуулук каражаттарынын эсебинен курулат. Акча которуу үчүн реквизиттер видеонун аягында көрсөтүлгөн.

Долбоордун авторлорунун планы боюнча, имарат улуттук колоритти заманбап архитектуралык чечимдер менен айкалыштырган неостилде курулат.

Курулушту 2026-жылдын аягында баштап, 2027-жылдын аягына чейин бүтүрүү пландалууда.