Маданият, маалымат, спорт жана жаштар саясаты министрлигине караштуу Маалыматтык чөйрөнү изилдөө борбору жоюлду. Бул тууралуу “Эркин-Тоо” гезитинин санына жарыяланды.

Токтомго өкмөт башчы Адылбек Касымалиев 27-мартта кол койгон.

Аталган борбор 2024-жылдын августунда интернетте мыйзамсыз контентти аныктоо жана бөгөт коюу боюнча иштерди алып баруу, интернет мейкиндигин жөнгө салууда ченемдик-укуктук актыларды иштеп чыгуу жана ЖМК чөйрөсүндөгү мыйзамдарды сактоого багытталган иш-чараларды камсыз кылуу үчүн түзүлгөн.