Бишкектеги «Мадина» базарында чыккан ири өрттөн жабыркаган ишкерлерге кенемте төлөнүп берилет. Бул тууралуу борбор калаанын мэри Айбек Жунушалиев билдирди.

Анын айтымында, президент Садыр Жапаров кырдаалды алгачкы мүнөттөрдөн тартып эле көзөмөлгө алган. Мамлекет башчысы чыгымдын көлөмүн жана жабыркаган ишкерлердин санын аныктоону тапшырды.

Посмотреть эту публикацию в Instagram

Публикация от Reporter.kg (@reporter_kg)

«Анын чечими менен, бүгүнкү күндө ал жерде соода кылган ишкерлерге кандай чыгым келтирилгенин, кимдер жабыркаганын тактоо милдети коюлду. Жабыркагандарга сөзсүз түрдө кенемте төлөнүп берилет», — деди Жунушалиев.

Мэр ошондой эле өрттүн чыгуусунун баштапкы жагдайларына токтолду. Анын айтымында, видеобайкоо камераларындагы жазуулар өрт эки контейнерден башталганын көрсөтүүдө, ал эми адистер анын себебин электр зымдарындагы көйгөйлөр менен байланыштырып жатышат.

Ошол эле учурда, калаа башчысынын белгилешинче, видеокамералардагы жазуулар өрт чыгардын алдында базардын бул бөлүгүнө эч ким кирбегенин көрсөткөн.

Өрттүн келип чыгуусунун так себебин адистер аныкташы керек.