Таласта мамлекеттик кызматкерлер мамлекетке тиешелүү имарат менен жерди жеке менчикке сатууга аракет кылышкан. Бул тууралуу Башкы прокуратура билдирди.

Маалыматта айтылгандай, Бакай-Ата райондук соттук аткаруучулар кызматынын, «Талас балык чарбасы» мамлекеттик ишканасынын кызматкерлери жана башка мамлекеттик органдардын кызмат адамдары баасы 162 млн 106,5 миң сомдук имаратты жана ага тиешелүү 104,5 гектар жер тилкесин жеке менчикке болгону 2 млн 380 миң 729 сомго сатууга аракет кылышкандыктары аныкталган.

Аталган факты боюнча Кылмыш-жаза кодексинин 336-беренеси (коррупция) менен кылмыш иши козголгон. Учурда тергөө иштери жүрүп жатат.