Төрага өз кайрылуусунда Курман айт адамзаттын руханий баалуулуктарын даңазалаган өзгөчө майрам экенин белгилеп, бул күндөрү бири-бирине колдоо көрсөтүү, муктаждарга жардам берүү жана жакшылык кылуу маанилүү экенине токтолду.

Ошондой эле ал кыргыз элинин байыртан бери ынтымакты, сабырдуулукту жана адамгерчиликти бийик коюп келгенин айтып, бүгүнкү күндө өлкөдөгү тынчтык менен коомдогу биримдик эң чоң байлык экенин белгиледи.

Марлен Маматалиев ар бир үй-бүлөгө бакубат жашоо, кут-береке жана токчулук каалап, айт күндөрүндөгү бардык жакшы тилек-тилөөлөр кабыл болушун тиледи.