Калаада мэр Айбек Джунушалиевдин жетекчилиги астында жарандык коргонуу боюнча штабдын жыйыны өттү.

Мамлекеттик органдардын, Бишкек шаарынын аймактык системасынын күчтөрүнүн жана каражаттарынын коркунуч жана өзгөчө кырдаалдар учурундагы даярдыгын талкуулады.

Анда Ала-Арча капчыгайындагы абал, тактап айтканда Адыгене көлү тууралуу маалымат берди.

Мэриянын айтымында, аталган көл учурда коркунуч жаратпайт. Ага карабай Айбек Джунушалиев кайрадан визуалдык текшерүү жүргүзүп, мүмкүн болуучу тобокелдиктерди жоюу милдетин койду.

Өз кезегинде КР УИАнын Суу көйгөйлөрү жана гидроэнергетика институтунун директору Догдурбек Чонтоев Адыгене көлү коркунуч туудурбайт, бирок булак тобокелдиктердин  боло турган кичине (тайыз) көлдөр бар экенин билдирди.