Бишкектеги мектептерде КРВИ жана сасык тумоонун көбөйүшүнө карабастан, жапырт карантин киргизилбейт. Бишкек мэриясы билдиргендей, карантин санитардык кызматтардын көрсөтмөлөрүнө ылайык, зарыл болгон учурларда гана киргизилет.

Шаарда жалпы билим берүү мекемелеринин абалы күн сайын көзөмөлдөнүп жатат. Зарыл болгон учурда Гигиена жана эпидемиология борбору тиешелүү көрсөтмө берип, андан кийин айрым класстар же топтор карантинге жабылышы мүмкүн.

Мындай чечимдер жергиликтүү деңгээлде кабыл алынып, тийиштүү кызматтардын көзөмөлүндө турат.

Мэрия ата-энелерди балдардын ден соолугун тыкыр көзөмөлдөөгө жана КРВИ же сасык тумоонун белгилери бар окуучуларды мектепке жөнөтпөөгө чакырды.