Арслан Койчиев мамлекеттик катчы болуп дайындалды. Бул тууралуу президенттин басма сөз кызматы билдирди.

Тиешелүү жарлыкка өлкө башчы Садыр Жапаров кол койгон.

60 жаштагы Арслан Койчиев Кыргызстандын тарыхы боюнча адис. Ал Жалал-Абад облусунун Токтогул районунда төрөлгөн. Кыргыз мамлекеттик университетинин тарых факультетин жана Лондон университетинин Чыгыш жана Африка таануу мектебин бүтүргөн.

• 1994–1996-жылдары «Азаттык» үналгысынын Бишкек кызматында кабарчы болуп иштеген.
• 1996–2010-жылдары BBCнин Дүйнөлүк кызматынын Кыргызстан боюнча продюсери болгон.
• 2021-жылдын 3-февралында Кыргыз Республикасынын президентинин кеңешчиси болуп дайындалган.
• 2022-жылдын июнунан тарта Түрк мамлекеттери уюмунун башкы катчысынын орун басары болуп иштеген.
• 2022-жылдын 20-декабрынан тарта Президенттин кеңешчиси болуп иштеп келген.

Белгилей кетсек, буга чейин мамлекеттик катчы кызматын Марат Иманкулов аркалап келген. Ал президенттин кеңешчиси болуп дайындалды.