Бишкекте Биринчи май райондук милициясынын эки кызматкери мыйзамсыз кармоо жана кыйноо фактысы боюнча кармалды. Бул тууралуу УКМКдан билдиришти.

Маалым болгондой, К.Ж. уулу жана А.Ы.А. аттуу милиция кызматкерлери бир жаранды (Э.Б.) мыйзамсыз кармап, кыйноого алган деп шектелүүдө.

Экспертизанын жыйынтыгы да Э.Б.нын денесинде жаракаттар бар экенин көрсөткөн.

Учурда бул ишке катышы бар башка кызматкерлерди аныктоо иштери жүрүүдө.