Бишкекте эркек кишинин жансыз денеси табылды. Бул тууралуу Ленин райондук ички иштер башкармалыгынын басма сөз кызматы билдирди.
2021-жылдын 11-октябрында саат 23:40тар чамасында Кулиев-Бөкөнбаев көчөлөрүнүн кесилишинде 25-30 жаштагы азиат түспөлүндөгү адамды тепловоз сүзүп кеткен.
Бул фактыны Бишкек шаарынын Ленин райондук ички иштер башкармалыгынын тергөө кызматы РИИБге каттаган.
Белгилери: бою 165-170 см, орто дене түзүлүштө, мурду түз, бети сүйрү, чачы кара кыска, каштары тик0, кулагы тар, үстүнкү жана астыңкы жаагындагы тиштери өзүнчө.
Кийген кийимдери: кара жеңи кара боз күрмө, кара водолазка, кочкул көк футболка, кара шым, кара боз байпак, боз көлөч.
Милиция: «Урматтуу жарандар, бул адамдын сөөгүнүн өздүгүн тактоого жардам берүүнү суранабыз. Сүрөттөгү адам тууралуу маалыматы барлар төмөнкү телефондор аркылуу кабарлашы керек: 0 (312) 352-605, 0 (705) 450-553, 0 (553) 102-465, 0 (551) 088- 330 жана 102″.
