Айыл чарба министри Бакыт Төрөбаев эттин чекене баасы 700 сомдон төмөн болушу керектигин билдирди. Ал эми Монополияга каршы жөнгө салуу кызматына бааны көзөмөлдөө тапшырмасын берди. Бул тууралуу Айыл чарба министрлиги маалымдады.

Министр ошондой эле Ветеринария кызматына этке болгон дүң бааны төмөндөтүүнү тапшырды. Мындан тышкары мамлекеттик ишканаларга уйдун этин сырттан алып келүү боюнча кошумча тапшырма берди.

Белгилей кетсек, буга чейин Бакыт Төрөбаевдин төрагалыгы алдында өткөн мекемелер аралык жыйында эттин баасына мамлекеттик көзөмөлдөө киргизиле тургандыгы маалымдалып, базарда этке болгон баа акырындык менен түшө баштаган болчу.