Саламаттыкты сактоо министрлиги Баткенде коронавирус катталды деген маалыматты четке какты.

Мекеменин басма сөз кызматы жиберген маалыматта ылайык, бүгүнкү күндө коронавирус тастыкталган учур Кыргызстанда катталган эмес.

“Айтылган адамдар Кытайдан Тажикстан аркылуу келгендиктен санитардык-карантиндик пункттун кызматкерлери аларды текшерүүгө алып кетишкен. Экөөнүн тең абалы канааттандырарлык. Аларга карата байкоо алынган анализдердин жыйынтыгына жараша болот”, – деп билдирди министрлик.

Буга чейин “Турмуш” басылмасы Баткен районундагы “Кызыл-Бел” чек ара пунктунан коронавирус жуктурду деген шек менен 2 адам ооруканага жаткырылганын жазып чыккан.

сүрөт: sputnik.kg