Саламаттык сактоо министрлиги борбор калаада холера тарап жатат деген социалдык тармактардагы маалыматтарды төгүндөдү.

Ведомствонун маалыматына ылайык, өлкөдөгү эпидемиологиялык абал толугу менен туруктуу жана дарыгерлердин көзөмөлүндө турат. Ошентсе да, алдын алуу иштеринин жүрүшүндө Ош шаарынын, Араван жана Кара-Суу райондорунун аймагынан алынган үлгүлөрдө холера вибриону аныкталганы кабарланды.

Дарыгерлердин түшүндүрүүсүндө бул табылган вибрион адам үчүн коркунуч жаратпайт. Ошол эле учурда эпидемиологиялык коопсуздукту камсыздоо үчүн тиешелүү чаралар көрүлдү.

Министрлик жарандарды инфекциялык оорулардын алдын алуу максатында санитардык-гигиеналык эрежелерди сактоого чакырды:

• таза, кайнатылган суу гана ичүү,
• колду самындап жуу,
• жашылча-жемишти жакшылап жууп колдонуу.