Бүгүн катталган 78 учурдун 46сы чет өлкөдөн келген жарандарыбыздан аныкталды. Мындай маалыматты саламаттык сактоо министринин орун басары Нурболот Үсөнбаев билдирди.

Маалыматка ылайык, Кыргызстанга кайтып келген жарандар обсервациянын эрежелерине баш ийбей, өздүк гигиенаны сактабай жатышат. Мындан улам, оорулардын саны көбөйүүдө.

“Соль-Илецктен келип жаткандарды ташуу учурунда вирустун жайылышынын тобокелдиги жогору болгондугуна байланыштуу Республикалык штаб тарабынан кошумча ПЧР-изилдөөлөрдү өткөрүү чечими кабыл алынды. Бул үй карантиндеги байланышта болгондор илдетти массалык түрдө жугузуп албоосу үчүн туура чечим болду”, – деди Үсөнбаев.