Министрлер Кабинетинин төрагасы Адылбек Касымалиев жасалма интеллекттин өнүгүшү айрым адистиктерди алмаштырат деген кооптонуулар боюнча пикирин билдирди.

«Жасалма интеллект айрым кесиптерди өзгөртүшү мүмкүн, бирок адамды алмаштыра албайт. Адамды технологияны жакшы өздөштүргөн башка адам гана алмаштыра алат», — деди Касымалиев.

Өкмөт башчы ошондой эле кинематография, маданият жана башка тармактарда иштегендердин технологиялык көндүмдөрүн жогорулатуу маанилүү экенин белгиледи.