Министрлер Кабинети токтом менен көрүстөндөрдө көмүү жайларын брондоо эрежелерин бекитти. Токтомго министрлер кабинетинин төрагасы Адылбек Касымалиев кол койду.

Анда көмүү жайларын брондоо шарттары, мөөнөттөрү, наркы жана тариздөө жол-жобосу такталган. Максат – жарандардын сөөгүн кадыр-барктуу коюу укугун камсыздоо, санитардык, экологиялык, шаар куруу жана диний-маданий талаптарды сактоо, көрүстөндөрдү эсепке алуу жана башкарууну системалаштыруу.

Жергиликтүү өз алдынча башкаруу органдары токтомго ылайык өз чечимдерин жаңылайт. Токтом расмий жарыяланган күндөн 15 күн өткөндөн кийин күчүнө кирет.