Президент Садыр Жапаров “Кыргыз Республикасынын мамлекеттик жөлөкпулдар жөнүндө” мыйзамына өзгөртүүлөрдү киргизүү тууралуу мыйзамга кол койду. Мыйзам 2025-жылдын 24-сентябрында Жогорку Кеңеш тарабынан кабыл алынган.

Мыйзамдын максаты:

• Калктын демографиялык өсүшүн колдоо,
• Бийик тоолуу жана жетүүгө кыйын аймактарда жашаган көп балалуу энелерге жардам берүү,
• Балдардын сапаттуу өнүгүүсүнө шарт түзүү.

2026-жылдын 1-январынан тартып Кыргыз Республикасынын жарандарына жана кайрылмандарга төрт жана андан көп бала төрөгөн көп балалуу энелерге бир жолку “Бала Береке” төлөмү берилет.

• Төлөмдүн өлчөмү, дайындоо жана төлөө тартиби министрлер кабинети тарабынан бекитилет.

Мыйзам 2026-жылдын 1-январынан күчүнө кирет.