Ош шаары менен Кашгар шаарынын ортосунда боордоштук тууралуу келишимге кол коюлду. Бул тууралуу Ош мэриясы билдирди.

Маалыматта айтылгандай, Ош шаарына Кытайдын Синьцзян-Уйгур автономдук районуна караштуу Кашгар шаарынан делегация келген. Кашгар шаарынын мэри Вели Асим жетектеген делегацияны Ош мэринин биринчи орун басары Адилет Шаршеналы уулу кабыл алган.

Жолугушууда тараптар эки тараптуу кызматташтыкты талкуулашкан. Ошондой эле боордоштук тууралуу келишимге кол коюлган. Мындан тышкары эки шаардын жеке ишкерлери жолугушуп, өз ара кызматташуу боюнча макулдашышкан.