Нарын дарыясына экскаватор менен кирип кеткен адам изделүүдө. Бул тууралуу Өзгөчө кырдаалдар министрлигинен билдиришти.
Белгилүү болгондой, 2-июнда болжол менен саат 15:22де ӨКМге Куланак насостук станциясынын башкы курулмасындагы суу бөлүштүргүчтө иштеп жаткан экскаватор 68 жаштагы Ө.Ү. аттуу айдоочусу менен Нарын дарыясына кулап, шар сууга кирип кеткендиги тууралуу маалымат түшкөн.
Издөө иштерине куткаруучулар, атайын техникалар тартылган. Түн кирип кеткендигине байланыштуу издөө иштери токтотулган.
Бүгүн, 3-июлда издөө иштери жанданып, ага 19 куткаруучу, суу чарба башкармалыгынан 25, милициядан 5 адам жана 10 атайын техника тартылган.
Издөө иштери тууралуу кийинчерээк кошумча маалымат берилет.
Биздин Телеграм каналга катталыңыз
