Нарын шаарында ата-энелери менен бирге бир убакта 350 баланы кабыл алууга ылайыкталган балдардын оюн-зоок борбору курулууда. Бүгүн, 7-октябрда, өлкө башчы Садыр Жапаров Нарын облусундагы иш сапарынын алкагында аталган объектинин курулушунун жүрүшү менен таанышты. Булу тууралуу президенттин басма сөз кызматы билдирди.

Эки кабаттуу борбор аянты 6 миң 600 чарчы метр болгон жер тилкесине салынууда. Имараттын жалпы аянты 1 миң 500 чарчы метрди түзөт.

Анда оюн жана эс алуу залдары, оюн аянтчалары жана балдардын өнүгүүсүнө багытталган бөлмөлөр каралган. Долбоор Нарын шаарынын социалдык инфратүзүмүн өнүктүрүү максатында ишке ашырылууда.