Кыргызстандагы күйүүчү май баалары сентябрдын аягына чейин 3–4 сомго кымбаттайт деп болжолдонууда. Бул тууралуу Кыргызстандагы нефть ассоциациясынын директору Канатбек Эшатов билдирди.

Баанын өсүшүнө негизги себеп катары дүң баалардын көтөрүлүшү жана импортерлордун майды жеткирүүдө кыйынчылыктарга дуушар болушу каралууда.

Ошондой эле Россиядагы бир нече нефть иштетүүчү заводдор оңдоп-түзөө иштерине байланыштуу жабылып, айрымдары дрон чабуулунан улам ишин убактылуу токтоткон.