17-июль күнү  «Новосибирск–Бишкек» чартердик каттамык менен 183 кыргызстандык мекенине кайтып келди. Бул тууалуу Тышкы иштер министрлигинин басма сөз кызматы кабарлайт.

Жүргүнчүлөрдүн тизмесин түзүү гуманитардык критерийлер боюнча мекендештердин жеке арыздарынын негизинде жүргүзүлгөн. Каттамга негизинен Орусиянын ЖОЖдорунда окуган студенттер, төрөтү жакындап калган кош бойлуулар, жаш балдар жана оор илдети бар же жакынын жоготкондор кирген.

Мындан сырткары бул каттам менен Орусиядагы мекендештер тарабынан жардам катары чогултулган 185 миң сомдук медициналык каражаттар дагы келген.