Дүйнөлүк супержылдыз Шакира Кыргызстандын борборунда чоң концерт бериши мүмкүн. Бул тууралуу өзүнүн Instagram баракчасында Президенттин иш башкаруучусу Каныбек Туманбаев билдирди. Ал колумбиялык ырчынын видеосун жарыялап, «Жакында Bishkek Arena’да! Күтүп жатасызбы?» деген жазуу калтырган.

Борбор калаадагы жаңы спорт комплекси миңдеген көрүүчүлөрдү кабыл алууга жөндөмдүү жана эл аралык ири шоу-программаларды өткөрүүгө ылайыкташкан. Чет элдик поп-жылдыздын концерти өтө турган так күнү жана билеттердин сатылышы тууралуу маалымат азырынча ачыктала элек.